DIMERDEKAKAN DARI BELENGGU DOSA

(TITUS 2:11-15)

Saudara-saudara Yang dikasihi Tuhan!

1. Torang baru klar merayakan hari jadi
torang pe negri tercinta ini, Hari Jadi
yang ke 76; Hari jadi karena torang pe
bangsa ini boleh merdeka/bebas dari
penjajahan/perbudakan Bangsa Asing.

2. Bagi torang orang percaya/oranag

Kristen, depe arti merdeka/bebas luas
skali. Nyanda cuma bebas dari
penjajahan/perbudakan bangsa lain,
mar bebas/merdeka dari penjajahan
dosa.

3. Kalau torang pe negri ini

bebas/merdeka dari

1
 penjajahan/perbudakan bangsa laeng
karena perjuangan torang pe pahlawan
(mar katu torang juga nimbole lupa
campura tangan Tuhan), maka kalau
torang boleh merdeka/bebas dari
perbudakan dosa maka itu semata-mata
karrena Tuhan pe bae-bae pa torang.
Tuhan pe bae pa torang nya depe dua.
Tuhan pe bae ini yang Paulus bilang
dalam bacaan Alkitab tadi dengan
Kasih karunia. Kasih karunia ini yang
kase slamat pa torang

4. Kasih karunia ini, Tuhan pe bae ini

yang Paulus bilang pa Titus kase tau pa
orang-orang yang ada di Kreta waktu
Paulus pigi di Asia Kecil, Efesus,
Miletus kong Kreta. Paulus bilang pa
Titus: “Titus, ngana tinggal di Kreta
sini kong se tau pa dorang bahwa
torang pe Tuhan itu pambae skali. Dia

2
 didik deng ajar pa torang supaya
torang se tinggal itu perbuatan-
perbuatan jaha. Kiapa Paulus bilang
bagitu? Karena orang Kreta pe
kalakuang so nyanda tako Tuhan. So
segala kejahatan dorang beking. Kalu
torang baca di pasal1:12, dorang pe
nabi pernah bilang: “memang orang-
orang Kreta pang badusta, sama deng
binatang buas rakus deng pemalas.”
Kasar skali kang?

5. Orang-orang Kreta juga so mulai ta

pengaruh dengan ajaran yang bilang
bahwa: torang pe kalakuan skarang so
nya pengaruh dengan itu keselamatan
mar komang laeng kali juga dorang
bilang kalu mo selamat maka torang
musti beking itu yang bagus-bagus.
Jadi lewat Titus Paulus bilang pa
dorang bahwa memang sekarang torang

3
 so slamat. Torang slamat karena Tuhan
pe bae, Tuhan pe bae itu bukang karena
torang bae pa orang atau pa Tuhan.
Tuhan pe bae sampe torang boleh
selamat semata-mata datang dari Tuhan
sendiri, jadi bukang karena torang yang
lebe dulu beking bae pa Tuhan atau pa
orang laeng.

6. Paulus bilang torang skarang ada di

masa mo ba tunggu Tuhan Yesus
datang yang kedua kali supaya
keselamatan itu tetap ada pa torang.
Nah, waktu ba tunggu-tunggu ini,
torang harus beking itu hal-hal yang
sesuai yang Tuhan mau. Supaya itu
keselamatan itu, itu kasih karunia yang
Tuhan ada kase secara cuma-cuma pa
torang nyanda talapas; karna kalu ta
lapas yaaaa....abis torang, nyanda
slamat torang.

4
7. Saudara! Torang bersyukur karena
Tuhan so bebaskan/merdekakan torang
dari budak dosa. Karena itu torang pe
gaya hidop skarang harus jadi berkat pa
orang laeng. Jangan lagi torang beking
kejahatan atau segala macam dosa.
Torang harus isi ini masa ba tunggu pa
Tuhan Yesus yang mo datang kedua
kali dengan selalu beking apa yang
Tuhan mau.

8. Tantangan yang paling basar pa torang

untuk mo iko itu Tuhan pe mau atau
mo balas itu Tuhan pe bae-bae pa
torang ialah torang susah skali mo
kalahkan itu torang pe keinginan-
keinginan. Banyak skali itu keinginan-
keinginan yang goda apa torang untuk
mo beking itu yang Tuhan larang,
misalnya: kalu torang pe kondisi

5
 ekonomi so mulai menipis, torang pe
gaya hidup yang suka ba gaya padahal
so nda sesuai deng torang pe
kemampuan, torang so mementingkan
diri sendiri, so nda perduli deng orang
laeng, so ba ambe orang punya, so jadi
sombong, so merasa paling pande,
paling banyak jasa dan lain-lain.
Padahal yang torang harus lakukan
adalah keinginan roh. Dalam Matius
26:41, Tuhan Yesus se inga pa torang:
“Berjaga-jagalah dan berdoalah, supaya
kamu jangan jatuh ke dalam
pencobaan: roh memang penurut, tetapi
daging lemah.”

9. Karena itu saudara-saudara, torang

yang setiap saat merasakan Tuhan pe
bae, torang yang Tuhan so bebaskan
dari penjajahan dosa, torang Tuhan so
kase keselamatan, mari jo torang

6
 beking itu hal-hal yang bae-bae.
Torang rubah torang pe kalakuan dari
yang jaha menjadi yang berguna bagi
orang laeng deng bagi Tuhan.

10. Mari torang minta kuasa Roh Kudus

agar torang tetap menjadi umatNya
yang terus menikmati Tuhan pe sayang,
supaya itu keselamatan tetap menjadi
torang punya. Amin.-