O MANU BHE ANDO-ANDOKE

Nando dhamani wawono nandomo sehgulu manu noposabangka bhe sengulu ndoke
tamaka weloposabanghando maitu mina naompona rampahano diuno ndoke.sekamaghuleo
ando andoke nogharom,pasina norakomo manu maka noburusi wuluno.o manu
nopotahamaigho no kido.sabutuhano nopoli nofulei omanu nofulei kansuru,kodawua kaawu
mina nakodoho bhe kafulei hano nagha.gara nowuramo loso wekaelatehano kabongo.
kabongo maitu sabangkano mpu-mpuno.nofekarimbamo maka nopesua welo loso
kaelatehano kabongo.nowura omanu norato,ksbsruno kabongo.pasina netula-tulagho omo
kabongo kodha-dhia sakotughuno kodiuno ando-andoke.
Nofetingke anagha okabongo kansuru no mamara.nobisaramo kabongo ini”maimo
dokala dofehalagho ando-andoke nagha mina naepandehao sepaliha maanano dopasabangka”
.pasina do fojhalamo fekerindo soda kumaradhagho ando-andoke ini.gara deghawamo fekiri
dabasi ando-andoke dakumala we pulo we sembalino tehi.nawatu noponogho takeseno
kantisa kobakeno.tamaka bhanka sokasawihando ini Bangka karabu wutondo maigho ne
batuawo.
Pasina noratomo wakutuno omanu no basi ando-andoke da kumala wa pulo
wesembalihano tehi.ando-andoke kansuru nohunda ,sehae gholeo kaawu do eremo dokala
.dorato kaawu wewuntano tehi dopobantimo nokakuraomu omanu “abentaemoho !!!”
dobalomo dua kabongo intagi sampe naondalo sepaliha.
Tano bisara peda amaitu,omanu kansuru notitiwi bangkando ini sabutuhano,Bangka
kasawihando maitu nobenta pasina kansuru noburubu okabongo kansuru noleni
weghone,omanu nohoro tewite ta ando-andoke nomoisa we tehi nopode podea nesalo tulumi
nompona kaawu,ramapano mina namande noleni maka nomatehgo notondu we tehi.