1.

0 PENERANG SELAMPUR SENENTANG INOVASYEN

Tajuk projek inovasyen digital ti digaga iya nya ‘’e-ObTuRaSEPIL’’. Projek tu digaga ungkup
matapelajar jaku Iban primari satu enggau primari primari dua. Dalam projek tu mega bisi
diseretaka aktiviti, kereja latih, enggau ngasilka idea lebuh proses belajar dipelajaika dalam kelas.
Kelimpah ari nya, aktiviti nya dikena mantu nembiak nambahka pengelandik dalam pelajar kelebih
agi senentang sistem sepil Jaku Iban ba sekula. Ari nya tadi, nembiak ulih ngasilka penemu
bekaul enggau pengelandik interpersonal, pengelandik komunikasyen enggau pengelandik
midaka sepil ti betul enggau salah.

Tambah mega, nembiak sigi rindu agi belajar ngena kereban digital enti dibanding enggau
kereban bup aja. Nya alai projek tu digaga ngambika ulih narit ati nembiak lebuh bejalaika aktiviti
belajar. Nitihka penemu Haliza Rahim (2009), projek inovasyen tu mantu pengajar merambu
aktiviti belajar enggau lebih muntang sereta enda masau awak nyediaka mayuh kereban bukai
dikena ngajar.

MODEL GENERIK DALAM PELAJAR TRIALOGIKAL

1. TUJU ENGGAU GUNA INOVASYEN

Tuju inovasyen tu digaga ngambika ulih mutarka penanggul nembiak ari sukut Sistem
Sepil Jaku Iban sereta ngelala objek, chura enggau tukuh ti bisi ngelingi sida. Nangkanka nya,
pengajar lalu meri penerang guna produk ti diasilka ngambika iya seraris enggau tuju ti digaga.

1.1 Objektif Inovasyen

Entara objektif inovasyen tu iya nya;

3.1 Nyeleti chara tauka ripih jalai ngajar nyepil ngena urup Romanais dalam aktiviti ngajar
enggau belajar lebuh bekenaka kereban inovasyen.

3.2 Ngemeratka sukut kreativiti enggau kompetitif entara nembiak.

3.3 Ngerapatka kaul ti manah entara nembiak enggau nembiak sereta nembiak enggau
pengajar.

3.4 Nambahka pengelandik pengajar enggau nembiak bekenaka Teknologi Pemadah

enggau Komunikasyen (TPK) dalam pengawa ngajar enggau belajar.

1
1.2 Timpuh Bejalaika Inovasyen

Minggu Aktiviti

- Ngaga rintis ngagai sekula dikena meda penanggul ti ditapi nembiak

belajar dalam kelas.
- Nanya ngagai pengajar bekaul enggau tikas pelajar nembiak kelebih
Minggu 1
agi ba sukut sistem sepil Jaku Iban.

- Merambu ngaga siti inovasyen ti semitan enggau penanggul nembiak

Minggu 2

- Bejalaika inovasyen ba sekula dikena meda penyemitan inovasyen nya

Minggu 3 ba pelajar nembiak.

- Ngaga promosyen inovasyen ba media sosial ngambika ulih nemu

sekalika inovasyen nya nemban tauka enda bepelasarka komen ti
dipeda bala pemacha.

- Ngaga ripot senentang inovasyen ti udah digaga.

Minggu 4 - Nyediaka langgur seleti ngambika ulih ngasilka inovasyen ti lebih

semitan jemah ila.

2. SKOP ENGGAU TAGA INOVASYEN

2.1 Endur Inovasyen Dipejalaika

Inovasyen tu dipejalaika ba SK Merbau, Serian enggau SK Sabena, Daro. Nembiak ti nyadi

responden lebuh bejalaika inovasyen tu iya nya nembiak primari 1 sepenyampau enam iku
enggau nembiak primari 2 sepenyampau lima iku Lebuh belajar ngena projek tu, nembiak mesti
bisi embing ari pengajar ngambika sida enda limpang ke bukai lebuh aktiviti dipejalaika.

3. NYEDIAKA DRAF ENGGAU SELETI

3.1 Penerang Senentang Penanggul Pelajar Sebedau Inovasyen

Penanggul pelajar nembiak sebedau inovasyen tu digaga iya nya penanggul ba sukut sistem
sepil Jaku Iban ti standard. Penanggul sepil jaku Iban tu entara penanggul ti suah ditapi nembiak
ba pelajar ukai semina ba sekula primari aja tang mega ba sekula sekondari ketegal nembiak agi

2
saru enggau sepil Jaku Iban ke suba enggau ke diatu. Nya alai, kereban digital tu ditengkebang
ngambika ulih mantu raban nembiak ti agi bisi penanggul ba sepil jaku Iban ti standard serta
ngelala objek, tukuh enggau chura belalauka gambar ti dipeda sida.

Beduduk ari penanggul ti ditapi nembiak nya tadi, dia aku bulih siti runding ngasilka inovasyen
betukuh digital ti dikumbai ‘’e-ObTuRaSEPIL’’. Inovasyen tu diasilka ngambi ulih mantu nembiak
ngelala sepil ti standard enggau bisi embing ari pengajar. Nambahka nya, inovasyen nya mega
siti perengka interaktif dikena narit minat nembiak belajar enda ngira tikas umur. Nitihka penemu
Haliza Rahim, (2009), iya madahka nembiak patut lebih aktif lebuh sida belajar ngena kereban ti
disediaka pengajar. Nya alai, pelajar nembiak tu patut dikerembai jauh ari agi ngambika sida ulih
mansang ba sukut kognitif sereta mega kaul sosial enggau orang bukai.

4. NGUJI LALU NGAGA REFLEKSYEN

4.1 Bansa Penanggul Pelajar Ke Ditapi Sebedau Inovasyen

Bansa penanggul pelajar ke ditapi nembiak iya nya sida agi kurang ba sukut nyepil leka
jaku ti standard lebuh maya pengawa nulis tauka ngarang. Keterubah iya, proses nyepil tu
beguna amat ba pelajar laban pengelandik tu mesti diajar sebedau ngagai tikas ke lebih tinggi
baka pengelandik nulis. Nya alai, penanggul ti difokus dalam nengkebang inovasyen tu iya
nya penanggul nembiak nyepil objek, tukuh enggau chura dalam Jaku Iban nitihka Sistem
Sepil Jaku Iban ti standard.
Berindik ari nya, penanggul ti nyadi iya nya nembiak suah ngulang tauka nandu penyalah
ke lebih agi ba sepil sida lebuh maya ngaga kereja latih. Taja pan udah dikemetulka pengajar
lebuh maya ngaga serenih ba kelas, tang nembiak agi mekang ngulang pekara ti sama lebuh
ngaga kereja latih. Utai nyadi ketegal pelilih menua ti enda sama ari sukut dialek enggau
fonem sida (Chemaline enggau Padang, 2011). Ambika chunto, dialek Iban ari Saratok
enggau Betong ngena vokal /a/ nyadi /o/ baka “naka” tau nyadi “nako”. Kelimpah ari nya,
penanggul tu mega ketegal pengajar ba sekula enda ngemeranka sepil ti betul ba latih
nembiak. Utai tu bisi dipeda sereta dipansik aku lebuh maya Praktikum Fasa Keterubah sereta
ninga sebana bala siswa penarak ke bukai senentang penanggul ti sama mega
Nya alai, kereban digital tu digaga ngambika meransang nembiak belajar enggau lebih
aktif sereta andal lebuh ngenataika buah penemu ngagai bala bakih ti bukai. Beduduk ari
penanggul nya tadi, pengajar ulih nyediaka aktiviti ti seriran ngambika ulih mutar penanggul
nya enggau lebih manah.

5. NYELETI LALU NGAGA SPESIFIKASYEN

3
5.1 Pengelebih Inovasyen Dikena Nyungkakka Kualiti Ngajar Enggau Belajar.
Inovasyen tu beguna dalam nyungkak kualiti ngajar enggau belajar jeman diatu seriran
enggau kurikulum pelajar abad ke-21 tu. Kelimpah ari nya, sistem pelajar sekula diatu udah
jauh berubah nyerumba pemansang dunya ti nyadi jeman diatu. Nya alai, endang sigi
tanggung pengawa pengajar ngasilka inovasyen pelajar ngambika ulih nangkup pemansang
kelebih agi ba sukut pelajar nembiak. Nambahka nya, inovasyen ti betukuh digital tu mega
mandangka kualiti pengajar laban iya ulih nyediaka kereban ti lebih menyana ari kereban
bukai.
Semua informasyen bekaul enggau isi pelajar ulih disimpan dalam siti inovasyen aja. Ari
nya tadi, pengajar enda ibuh ngemai kereban bukai laban nya tau masau awak lebuh bejalaika
proses ngajar dalam kelas. Nitihka penemu Mohd Hasani (2010), ngena kereban inovasyen
tu mega, pengajar ulih ngenataika isi pelajar enggau lebih senang enti dibandingka kereban
bup ti kelalu mayuh pampang penemu. Nengah inovasyen tu, pengajar ulih nentu sereta
ngemeranka guna sepil jaku Iban ti standard dalam pelajar Jaku Iban rebak ke diatu.

5.2 Kereban sukung

1. Gambar 4. Bantai Asil

2. Tukuh projek inovasyen 5. VCD
3. Video

5.3 Promosyen

Asil inovasyen ti udah tembu tu digaga sereta dilakuka nengah chara promosyen ba
Whatsapp sereta mega ba media sosial kelebih agi ba Facebook. Kebuah promosyen tu
dipejalaika iya nya dikena ngumpul penerang ari orang bukai bekaul enggau penyemitan
inovasyen nya ba pelajar nembiak. Sepengudah bulih penerang, dia kitai ulih nemu pengurang
enggau pengelebih inovasyen nya kelebih agi guna iya ba sukut pelajar. Beduduk ari nya tadi,
kitai ulih merambu ngaga tukuh inovasyen ti lebih menyana jemah ila ngambika ulih nutup
lumpang penanggul ti ditapi lebuh bejalaika inovasyen nya ba sekula.

5.2 Kaul inovasyen enggau Model CIPP

5.2.1 Konteks

4
 Nyediaka siti projek inovasyen dikena mutarka penanggul nembiak ba sistem sepil
Jaku Iban ti standard sereta ngelala objek, chura enggau tukuh ti bisi ngelingi bala
nembiak.
5.2.2 Input
Nembiak ulih belajar ngena kereban inovasyen tu laban bisi nyediaka aktiviti ti seriran
enggau penanggul ti ditapi sida. Nembiak mega ulih nentuka bida entara sepil ti betul
enggau salah ngambika sida nemu senentang sepil Jaku Iban enggau lebih lenak agi.
5.2.3 Proses
Proses inovasyen tu diuji ba sekula dikena meda penyemitan iya ba aspek pelajar
nembiak. Kelimpah ari nya, inovasyen tu mega diseleti baru ngambika nemu
pengelemi sereta pengurang ti ditapi lebuh ngena inovasyen tu.
5.2.4 Produk
Sepengudah inovasyen tu diuji sereta diseleti, nya baru produk inovasyen tu
dipromosyen ngagai komuniti luar nengah chara Whatsapp, Facebook, enggau ti
bukai.

6. SELETI LALU NGUNA BARU

INOVASYEN
6.1 Langgur Seleti Inovasyen

Bepelasarka projek inovasyen ti udah digaga nya, dia mayuh bendar pekara tau diseleti baru
ngambika iya ulih nyadi produk ti lebih manah jemah ila. Ari sukut penyemitan iya, inovasyen tu
agi ulih dikena ngajar nembiak ti kurang ba sukut pelajar kelebih agi ba senentang sistem sepil
Jaku Iban ti standard. Tang taja pia, aktiviti disediaka nya nyangka bisi kurang mimit lalu enda
mungkur semua aspek pengelemi nembiak ba pelajar. Nya alai, projek inovasyen jemah ila patut
nyediaka mayuh agi aktiviti ngambika nembiak ulih belajar sereta ngulihka mayuh agi
informasyen.

Nambahka nya, projek inovasyen tu mega patut diseleti lebih manah agi senentang atur
pejalai iya. Kebuah pia, laban bisi penanggul mimit lebuh deka nukar ngagai rampa tanya ti
nangkanka tanya bukai. Lebuh ngaga projek inovasyen baru, penanggul ti baka nya mesti diperati
enggau manah ngambika enda ngulang utai ti udah nyadi. Nitihka penemu Sifoo (2003),
inovasyen ti lati mesti manah ari semua aspek sekalika ari sukut chara ngena, chara bejalaika
enggau ti bukai.

5
6
KEREBAN SANDING

Haliza Rahim (2009). Sumber pengajaran guru. Kuala Lumpur : Penerbit Rina Sdn Bhd.

Khalid Mohamad Nor (2007). Kaedah pembelajaran berkesan. Selangor: Penerbit Cahaya

Pantai Sdn. Bhd.

Mohd Hasani, 2010. Pendidikan era moden. Kuala Lumpur: Penerbit Jaya Ilmu Sdn Bhd.

Noraini Idris, 2009. Professionalisme pengurusan bilik darjah. Kuala Lumpur: Penerbit Utusan

Publication Sdn Bhd.

Sifoo (2003). Pendidikan komputer. Selangor: PTS Sdn.Bhd.