PELANTIKAN PENGURUS

1. Sungkun-Sungkun
KDPS Pinangido tu angka dongan pengurus PIK stasi …… na naeng dilantik asa rap jongjong ma hamu
diingananmuna.
KDPS Hamuna Amang Pastornami. Nunga marpungu dison nuaeng sude pengurus PIK na baru tarpillit, na
naeng gabe pengurus PIK di Stasi …………………on tu periode tahun 2022-2025. Nunga jongjong
nasida sude na sihol manjalo pasu-pasu ni Debata marhiteihon hamu. Mangido hami asa dilantik amang
Pastor ma nasida.
P Mauliate ma di hamuna Amang Dewan Pastoral Stasinami.
P Hamuna pengurus PIK na imbaru, Debata sandiri do sasintongna na mamillit hamuna marhitei ulaon
periodisasi naung taadonghon di PIK stasinta on. Las ma rohamuna manjalo ulaon on jala anggiat ma
hamu gabe martua alani ulaon on. Nuaeng pe pataridahon hamu ma haradeon dohot hot ni rohamuna,
marhite na mangalusi sungkun-sungkunnami on.
P Olo do hamu manjalo ulaon hapangurusan on dibagas las ni roha?
Pngrs Olo do hami.
P Olo do hamu marmahani dohot mangarahon sude anggota PIK stasi …….. tu dalan na sintong, domu tu
na hinalomohon ni Tuhan i?
Pngrs Olo do hami.
P Olo do hamu rap dohot angka pengurus na tarpillit, tongtong marsiurupan, marsihormatan,
marsipatingkosan, marsijaloan jala marsianjuan?
Pngrs Olo do hami.
P Olo do hamu rap karejo jala mengurupi Pastor songon sada tanda na sada hita gabe pangurupi ni Uskup
di paroki dohot stasinta, tarlumobi di PIK stasi Palipi on?
Pngrs Olo do hami.
P Porsea do hamu tu Huria Katolik Nabadia, na naung tinontuhon ni Debata gabe dalan hangoluan na
saleleng ni lelengna?
Pngrs Porsea do hami.
P Porsea do hamu tu panogu-noguan ni Tondi Porbadia tingki hamu karejo di bagasan
tanggungjawabmuna?
Pngrs Porsea do hami.
P Anggo songoni, rap ma hita patindangkon haporseaonta na sampulu dua i.
2. Patindangkon Haporseaon
Pastor + Pngrs : Ahu Porsea……………
P Mauliate ma tu hamuna na nunga pajongjonghon haradeon dohot haporseaonmuna. Alani i saonari asa
lam tangkas tu hami isi ni rohamuna, hatahon hamu ma padanmuna di jolo ni Debata.
3. Padan Ni Pangula Huria (per stasi)
Pngrs AHU MARPADAN DI JOLO DEBATA / DISAKSIHON AMANG PASTOR DOHOT RUAS NI
HURIA / OLO DO AHU GABE PENGURUS PIK DI STASI (digoari ma stasi na be)/ RADE DO
AHU LAHO PATINGKOSSON / JALA PAMAJUON PUNGUAN INA KATOLIK DOHOT
HURIA I / SALELENG PERIODE ON / SATOLOP GOGO DOHOT PARBINOTOANHU.

4. Pasu-Pasu
P ANGGIAT MA DEBATA PARGOGO NA SO TARIMBANG I / MAMASU-MASU HAMU LAHO
MANGULAHON ULAON HAPANGURUSAN ON ……+…….. DIBAGAS GOAR NI AMA DOHOT
ANAK DOHOT TONDI PORBADIA.
Pngrs AMEN.
(dipispisma huhut diendehon BETK 207)
(sidung i, dijou KDPS ma goar dohot jabatan nasida, jala langsung ma pangula na baru dilantik ro tu jolo
majalo SK dohot lilin).

5. Tangiang Pasu-Pasu
P Martangiang ma hita…….. (hohom tongkin)
Ale Debata Amanami, di nasadarion nunga dipapungu Ho hami sude angka pangula ni huriaM on na
gabe panghobasi huriaM. Pasu-pasu jala urupi ma nasida manjalo ulaon on. Anggiat ma pongkut nasida
mangulahon tanggungjawabna be, dibagasan hot dohot pos ni roha. Ajari ma nasida mangalehon
parbinotoan dohot angka na adong di nasida satolop gogo nasida, asa lam maju jala lam tu na dengganna
huriaM. Suanhon ma di bagasan roha nasida pambahenan ni Kristus na mandokkon: “Ahu ro tu portibi
on na gabe panghobasi do, ndang laho dihobasi”. Patogu ma padan ni nasida, jala lehon ma pasu-pasuM
tu nasida, asa saleleng manjalo ulaon on nasida tongtong rade jala ringgas mangulahon sude ulaon
nasida. Ho ma ale Tuhan na mamasu-masu nasida sude dohot keluargana, dibagas Goar ni Ama dohot
Anak dohot Tondi Porbadia.
Ruas Amen.