aghuna’aghi bhasa dalem

teks pidato
by. Resti Martalia,S.Pd
Bhasa se eghuna’aghi dalem teks pidato aropa bhasa lesan, benne bhasa
tolesan. Biyasana bhasa lesan langkong panda’, rengkes, majjha,tor
ghampang ekangarte sareng oreng se merengngaghi.

kaprana bhasa pidato aghuna’aghi

1. bhasa artistik/estetik, engghi paneka bhasa se epondhut deri bhasa

sastra se endhakantos kasemsem aromrom bhara ate.
2. bhasa ilmiah, engghi paneka bhasa-bhasa se erabet noro’ sarat kaidah
bhasa madura.
3. bhasa fisiologis, engghi paneka bhasa se nyongler deri adap
tengkaoreng madhura sokkla.
3 Macem bagiyan bhasa se eghuna’aghi dalem teks
pidato
1. peleyan oca’
2. sosonan okara
3. ondhaggha bhasa
a. ondhaghan enje’ iye

conto: “mara dhuli mangkat se asakola’a”

b. ondhagan engghi enten

conto: “Bule mangkatta sanonto ka sorbhaja”

c. ondhagan enggi bunten

conto:” Rama ngereng , eyatore adha’ar sareng ebhu”

lateyan!
yatore kerjaan lateyan e bhabha paneka sareng jawabhan se lerres!

1. ponapa se emaksod dha’ bhasa artistik e dhalem teks pidato?

2. ponapa bedhena bhasa ilmiah sareng bhasa fisologi e dhalem teks
pidato?
3. ponapa se emkasod peleyan oca’ e dhalem teks pidato?
4. eyatore nyare conto maseng-maseng 3 bhasa enjek iye, engghi enten
sareng engghi bunten ?