NAMA : NUR INDAH

ASAL SEKOLAH : SMP NEGERI 5 BANJARMASIN

JUDUL : LUMBA BAKUNYUNG

OLEH : IAN GANCANK (NSL – 26) PALANGKARAYA

LUMBA BAKUNYUNG

Di Negeri Sambang Lihum ni ada parlumbaan. Parlumbaan ni orang kuta nang ma

adakan, sidin ni bajalanan ka negeri Sambang Lihum ngini. Orang kuta ni sugih banar,
sidin baisian mol, hilikuptir, rumah miwah sepuluh buah, gunung batubara seluas
mata mamandang, mutur Alfat tiga buah, mutur inuva sepuluh buah, mutur gunung
gasan ka tambang batubara banyak banar kada kahitungan, baisi bini ja lima mirip
bidadari, langkar-langkar wan bahinul.
Jadi urang sugih tu, ma ulah parlumbaan Lumba Bakunyung matan hujung subarang
sungai sampai ka hujung subarang, panjang sungai tu sakitar 200 meter. Tarnyata di
sungai tu banyak buhaya, buhayanya ganal-ganal, panjang-panjang, giginya taringnya
tu lancip, matanya sama intalu angsa, manciling, muhanya kaya hantu, jar urang tuh
Raja Sungai ngarannya. Pas acara perlumbaan tu banyak urang datangan handak
umpat lumba, banyak jua nang handak manuntu nja.
Jar urang kuta, “Di antara bubuhan pian ni siapa nang wani bakunyung mulai sini
sampai ka hujung aku bari hadiah dua inuva nang paling hanyar.”
Panuntun tadiam hinip, ka dada nangwani manyahutnya, tahulah pian nang kaya apa
muha panuntun, ada nang takutan, takarucut, bakirik, banyak nang ba undur sabab
panuntun-panuntun tu tahu di sungai tu ada buhaya. Lalu ada nang di antara
panuntun tu manyahuti ,”Hahakunan bakunyung di padang buhaya, mencari mati
banar ae, kada ah!”
Jar urang kuta sugih, “Kutambahi sebuah inupa nah nang kaya apa.” Tatap ta diam
panuntun, hinip, “ Naah mun kaya itu kutambahi lagi sa ikung biniku mau kah,” jar
urang kuta lagi sambil ma isap ruku. Tatap ja hinip nang kaya dikuahi banyu.
Kada lawas, “cabawwww.......!” bagalumbang sungai, bunyi urang batajun ka sungai,
ada jua nang wani sakalinya lah , asa kaya ma nuntun parlumbaan bakunyung
nasiunal di tp tu, laju uu ... banar.
Gulak galik, timbul tinggalam sidin di sungai tu, tahulah pian siapa nah nang batajun
ka sungai tu, “Amat Galau” ngaran sidin. Si Amat Galau ni tarus ja bakunyung, kada
lawas sampai ka subarang. Naik lah sidin ka batang , basah kuyup awak, pucat muha
sidin, gatar-gatar.
Panuntun di pinggir sungai bakuciakkan, “Alhamdulillah,” si Amat Ganal sampai jua
akhirnya. Kada d taguk buaya nang banyak tu.
Sukur Alhamdulillah ai si amat ni kada ditaguk buhaya, kanapakah lah buhaya nya ni
kada mamakan si amat, kakanyangan kah lah atau gagara amat hirang makanya asa
hanta buhaya managuk, jadi si amat ni bingung, kanapa baampikan di sabarang tuh.
Jadi urang sugih tadi mendatangi ka amat. “Salamat sagan pian dingsanak
amat ai, handak ditambahi kah lagi hadiahnya?”
“kada” jar amat
“Hilikuptirkah? Muturkah? Duit muney muney kah? “ jar urang sugih
“kada” jar amat
“Bini kah 6, seksi mat ai bisa di sasuruhi? “ jar urang sugih
“kada nafsu” jar amat
“aih, imbah pang kam handak apa? “ jar urang kuta
“ Aku handak batakun siapa nang manajuni aku tadih? “ ujar si amat

Tamat !
Jadi pesannya
Berdo’alah sebelum hendak melakukan sesuatu agar di selamatkan, di lindugi Allah
SWT.