Kamandahan

Oleh : Sri Hartati

Dari : SDN Kebun Bunga 1
Acil Ubay nih mamanya “Amin” mama Amin nitu handak kuliah pulang,
kada anak haja nang pintar mamanya gin handak batambah jua ilmunya. Nah pas
mandaftar kuliah sakalinya pas rahatan covid , jadi urang nang sakulah lawan
kuliah balajarnya di rumah haja liwat unlin. Turunan kuliah umanya Amin partama
kali balajar di rumah , pas hari Sabtu rahatan urang kuliah maka pas banar lawan
bulan puasa. Parut lapar, mata mangantuk, tapijim tabuncalak mata manahan
supaya kada taguring, lawan sambil manjarang banyu di padu manyiapakan gasan
kamarian buka puasa lawan sambil jua mandangarkan dusin nang bapandir tadi
liwat hp. Pas lagi mandangarkan, sakalinya muncul si “Amin” di higa bapandir “
uma”pian ngini dari tadi kada singgarakan di higa Hp, guringakan ulun pang
mama nih (sambil manangis si Amin).karana si Amin nih puasa jua.

Malihat Amin manangis kasihan jadinya, laluai umanya Amin

mangguringakan si “Amin”. Sakalinya umanya lawan anaknya taguring badadua
kada sing garakan lagi,lawan nang uma kada ingat lagi lawan kuliah lawan
jarangan banyu di padu. Kuciak-kuciak dusin bapandir kada tahu lagi sampai
urang ampihan.

Assalamualaikum, “Abahnya Amin kuciak kuciak mulai lawang, muha pina

uyuh banar sudah datang dari bagawi” uiii mama Amin , dimana ikam, mana nih
urangnya pina hinip, lawan suara Amin kada tadangar jua.( Sakalinya manjanguk)
“ uii taguring badua baranak nang ngini kada tahu napa-napa lagi, pantasai aku
bakuciak kadada nang mandangar.

Hah bunyi nangapa di padu lawan pina babau hangit, kaluai umanya nih
kada ingat lagi napa nang di ulah, hah sambil mata tabunciling takajut abahnya
Amin, bakuciakai lagi sing nyaringan , uiii api…..api di padu umanya Amin,
takajut umanya Amin langsung baluncat ka padu tajungkang-jungkang mandangar
api. Uii abahnya ulun kada ingat lagi, untung pian capat bulik ka rumah jaka tida
jabul padu lawan asap. Alhamdulillah kada sawat “kamandahan” rumah kita
( sambil manangis umanya “Amin”)

Pesan : Jangan lalai lawan gawian