Nama: Pransiskus Obong

Kelas: PKK 1 semester 3

NIM: 180101023

Makul: Liturgi (terjemahan doa dalam bahasa “ahe”)

Dosen pengajar: Prasetyo, CDD

DOA POKOK

1. Doa Bapa Kami

Apa` kami nang ada ka` subayatn di mulia`atnlah nama-Nyu, ataknglah
karajaan-Nyu, jadilah kahandak-Nyu. Ka` atas bumi lea ka` dalapm subayatn,
bare`lah kami rajaki ari nian man ampuni`lah kasalahatn kami lea kamipun
ngampuni` nang basalah ka` kami. Man amelah masokatn kami ka` dalapm
pancobaan tatapi babasatn lah kami dari nang jahat. Amin

2. Doa Salam Maria

Salam Maria panuh rahmat Jubata sarta-Nyu, tapujilah Kita` ka` antara nang
bini man tapujilah buah tubuhnyu Jubata. Santa Maria Uwe` Allah doa`atnlah kami
nang badosa nian ampeatn man waktu kami mati. Amin

3. Doa Tobat
Jubata nang maha rahin aku nyasal atas dosa-dosa ku, sabab patut aku Kita`
ukum tarutama sabab aku udah manghina Kita` nang maha murah man maha baik
untuk ku, aku banci` akan samua dosa ku man bajanji ka` partolongan kita rahmat-
Nyu. Handak mamparbaiki` idup ku man nana` akatn mamuat dosa agi`. Oh Jubata
kasihatni`lah aku urakng nang badosa nian.

1
4. Tanda Salib
Dalapm nama Apa` man Putra man Roh kudus. Amin

PEMBERKATAN ALAT PERTANIAN

+ ngincakng alat bahuma
+ disiapatn ai` kudus

P: Partolongan diri` ka` nama Jubata

U: Nang mamuat langit man bumi

P: Jubata sartanyu
U: Man sartanyu Uga`

P: Inje`lah bado`a
Jubata Allah, Raja Subayatn man dunia, sabda Apa`, sagala ciptaan-Nyu di pake
untok paridupatn kami. Kami minta` tele`lah pakakas bahuma kami nian.
Kita` udah mare` bantuan ka` usaha man kabutuhan kami. Sudilah kira`nya kita`
marakati` kami, manjaga kami man ngalindungi` pakakas/ bahuma nian.
Do`a nian kami sampe`atn ka` kita` oh Jubata man pangantara kami putra-Nyu,
Yesus Kristus, Jubata kami.
U: Amin.

2
DOA WAKTU MEMBAKAR LADANG
Disiapkan: + patung salib man ai` kudus
+ manok dadakng, nasi, poe`,tuak
+ buluh karikng (parsiapan umtok api unggun)

P: Partolongan ka` nama Jubata

U: Nang mamuat langit man bumi

P: Jubata sartanyu
U: Man sartanyu

P: Inje`lah bado`a
+ Bapa Kami…
+Salam Maria…3x
Allah nang maha adil man panyayang, Kita` udah munuh kajahan api man belerang,
lea nang terjadi ka` kota Sodom man Gomora, Kita` udah mare` Roh Kudus ka` para
rasul dalapm bantuk jilah api barakati`lah api nian suapaya baguna untuk kapantingan
idup kami dalapm nunu uma nian. Kami mohon, sudilah Kita` atur siap angina untok
mamimpin arah maraga api, sahingga ngangusatn tampat nang di palalauatn, man nana`
ngarusak tampat nang nanak perlu di tunu.
Nangkoalah parmohonan kami nang kami nyampeatn ka` Kita` dengan parantara Yesus
Kristus putra-Nyu, nang idup man batahta basama Kita` ka` dalapm parsatuan man Roh
Kudus sepanjang masa.
U: Amin.

3
PEMBERKATAN TANAH
Disiapatn: + ai` kudus
+ sabebet tanah uma/tanah ka` uma di taap sabebet

P: Partolongan diri` ka` nama Jubata

U: Nang mamuat langit man bumi

P: Jubata sartanyu
U: Man sartanyu

P: Inje`lah bado`a
Barakati`lah oh Jubata, tanah nian, nang mao` kami incakng ka` uma nian supaya
manjadi subur. Samoga tanah nia mangandung barakat-Nyu agar lewat ka` ia dapat
mare` hasil untok kami. Kami mohon uga` barakat atas samua tanah nang lain
dalapm bidang tanah uma kami nian. Bare`lah kasuburatn ka` tanah kami do`a nian
kami sampe`atn ka` kita` oh Jubata dengan pangantara Yesus Kristus raja Subayatn
man pangantara kami.
U: Amin.

4
PEMBERKATAN ORANG SAKIT YANG SUDAH DEWASA
Disediakan: air kudus

Kata pengantar oleh pemimpin.

P. Damai sarta rumah nian.
U. Man sarta samua panghuninya.

(kemudian si sakit, tempat tidur dan kamarnya diperciki air kudus)

P. Partolongan diri’ atas nama Jubata.

U. Nang mamuat langit man bumi.

P. Tuhan Yesus Kristus, samoga basama kami nang hina-dina nian, incaknglah ka’
dalapm rumah nian katentraman man balaskasihNyu. Enyahlah kira’nya dari tampat
nian si setan man kajahatannya. Hadirlah kira’nya singgana malaekat padamaian.
Sagala percekcokan jahat handaklah maninggalatn rumah nian. Ya Jubata, kami
ngaluhuratn namaNyu nang mulia koa. Lanyapkanlah panyakit sodara kami nian
man bare’lah ia kakuatan, Supaya ia bisa ngalaksanaa’tn tugasnya agik. Bare’lah ia
kakuatan man kasehatan. Kami mohon ka’ Kita’, nang kudus man panuh kasih
sayang sarta tatap tinggal basama kami man basama dengan Apak nab Roh Koh
Kudus salama sagala masa.
U. AMIN

5
DOA PENYERAHAN JIWA (DOA MENJELANG KEMATIAN)
Disediakan: air kudus dan lilin

P. Demi nama Bapa Putera man Roh Kudus

U. AMIN

P. Partolongan diri’ ka’ nama Jubata

U. Nan nyadiatn langit man bumi

P. Jubata sartanyu
U. Dan sartanyu uga’

P. Inje’lah diri’ ngucapatn doa tobat:

U. Jubata nang maha Rahim……….

P. samoga Allah nang mahakuasa ngasihani diri’, ngampuni’ dosa diri’ nang ngantar
diri’ ka’ idup nang kekal.
U. AMIN

(pemimpin meretangkan tangannya atas orang sakit itu dan berdoa:)

P. Inje’lah bado’a:
Allah nang mahamurah, tarima’lah do’a kami untuk sodara kami tacinta nian, nang
ngadekati’ akhir pajalanan idupnya ka’ dunia nian. Kasihani’lah ia man barakatti’lah
ia. Bila nae terabit mata ari-Nyu, ari-Nyu nang kakal adanya, maka tele’atnlah
muhaNyu ka’ ia, ka’ tanah ai’ surgawi. Samoga ia mamiliki’ idup abadi basamaan
man Jubata Putera-Nyu man panyalamat kami, nang telah mandahului’ kami, untuk
manyiapa’tn tampat bagi urakng nang pucaya’ ka’ Ia. Ya Jubata buka’lah pintu

6
 saruga untuk sodara kami tacinta nian. Sabab Dialah pangantara kami, ampeatn man
sapanjang masa.
U. AMIN

(orang sakit kemudian di perciki dengan air kudus)

(kemudian pemimpin memegang lilin bernyala sambil berdoa)

P. Jubata adalah tarakng duni. Samoga cahaya-Nya basianr dalapm atinyu man nana’
akan padapm untuk salamanya. Samoga cahaya sajati Jubata mimbing kao ka’
ngalewati’ malam galap gulita ka’ mata ari kahidupan baru man kakal ka’ saruga.
Samoga barakat Allah nang mahakuasa turutn ka’ atasnyu, sabaai bakal manuju
pajalanan suci ka’ tanah ai’ sarugawi; dami nama Apa’ man Putera man Roh Kudus.
U. AMIN

DOA BERKAT JENAZAH (DOA SESUDAH SAAT KEMATIAN)

Disediakan: air kudus dan lilin

(doa ini dilaksanakan bila orang sudah meninggal dunia dan jenazahnya sudah
dimandikan dan berpakaian rapi; doa ini dilakukan dihadapan jenazah dan semua
orang berkumpul bersama dan tidak sibuk bekerja sebagai tanda perpisahan)

P. Demi nama Apa’ man Putera man Roh Kudus.

U. AMIN

P. Partolongan diri’ ka’ nama Jubata.

U. Nang manjadikan langit man bumi.

P. Jubata sartanu
U. Man sartanyu uga’

7
(pemimpin meretangkan tangannya atas jenazah sambil berdoa:)

P. Inje’lah bado’a
Allah nang maharahim, kami nyarahatn sodara/anak kami nian ka’ Kita’. Maka kami
mohon barakati’ jenazah nian. Samoga Jubata marasehatn atinyu man mangubah
tubuhnyu manjadi sarupa man tubuh-Nya nang mulia. Samoga Jubata mambuka’
pintu saruga untuk putera/puteri-Nya nang pulakng ka’ tanah sarugawi. Ka’ naun
na’ ada dukacita, tatapi hanya kagambiraa’tn man kabahagiaan untuk salamanya.
Maka ampuni’lah dengan murah ati sagala dosa ahepun nang telah ia ngalakua’tn
salama idupnya karana karapuha’tn manusiawi. Salagi idup ia manikmati’ ahe nang
diharapkannya dari-Nyu, yakni idup bahagia basamaan man Kita’. Demi Jubata
Tuhan kami.

(pemimpin membuat tanda salibpada dahi jenazah dan memercikinya dengan air
kudus)

P. Oh Apa’, kami mohon pula untuk page man sanak sodara kami nang ditingala’tnnya.
Sudilah kita’mandampingi’ man managuhatn mereka sahingga bisa narima’
kanyataan nian dengan tabah ati, karana mereka pucaya’ akan kabijaksanaan-Nyu
nang nana’ tasalapmi’. Samoga paratian man partolongan dari sodara-sodari ang
turut badukacita nian mangibur man manguatkan ati mereka. Demi Jubata Tuhan
kami.
U. AMIN

P. Inje’lah diri’ ngucapa’tn do’a nang dingajara’tn Jubata bagi diri’.

U. Apa’ kami…….(doa Bapa kami)

8
P. Inje’lah diri’ bado’a basama man Bunda Maria bagi Sodara/i diri’ nang udah
maninggal dunia nian.
U. Salam Maria…….(3x bersama-sama)

P. Samoga Jubata ngalimpahatn cahaya kekal man istirahat kekal nagi sodara /i diri’
nang manghadap hadirat-Nya; demi nama Apa’ man Putera man Roh Kudus.
U. AMIN

SEMBAHYANG UNTUK ORANG MATI

a) PEMBUKAAN
P. Samoga rahmat man damai Jubata basarta pagewaris samadia’tn
U. Ampea’tn man salama-lamanya

P. Pagewaris samadi’atn.
Inje’lah diri. Bado’a sodara (anak) tacinta nang udah dinyaru’ ja Jubata. Meskipun
mata diri’ nana’ bisa nele’nya agik, namun diri’ yakin’ bahwa ia basatu man diri’
sabab umat Allah ka saruga marupakan sote’ kaluarga, nang selalu erat
hubungannya. Dalapm parsatuan nianpun handaknya diri’ ngadakan sambayang
nian.
P. Inje’lah bado’a:
Allah nang mahakuasa man kekal, kami manyatakan kapercayaan kami ka’ Kita’
bahwa sodara (anak) kami nang telah maninggal ampeatn dalapm pardamaian-Nyu.
Parsatuannya man Jubata ka’ dunia nian ampea’tn dilanjuta’tn ka’ dalapm saruga.
Kami pucaya bahwa kami basama-sama man mereka nang udah Kita’ nyaru’,
marupakan sote’ kaluarga, sote’ tubuh dalapm Jubata. Maka bare’lah kami
senantiasa ingat akan parsatuan nang mambahagiakan koa’ man manghormati’
mereka nang ampea’atn udah barada ka’ dalapm saruga. Demi Jubata pangantara
kami.
U. AMIN

9
b) BACAAN KITAB SUCI

P. Sodara sakalian, Allah baarolah nang mangajar lempahe saharusnya parasaan diri’
pada ari nian. Man parantaraan Paulus, rasul-Nya, Jubata basabda ka’ diri’
(1 Tesalonika 4):
“sodara-sodara, kami nana’ mao’, bahwa kao mengetahui’ tentang merekan nang
maninggal, supaya kao ame badukacita lea urakng-urakng lain nang nana’
mampunyai’ pangharapan. Karena jikalau diri, pucaya uga’ bahwa mereka nang
udah maninggal dala’pm Jubata akan dikumpula’tn Allah basama-sama man Ia.
Dimikianlah diri’ akan salama-lamanya basama-sama man Jubata. Karena koa
hibura’tnlah seko’ urakng akan nang lain man parkataa’tn-parkataa’tn nian.”
U. Syukur ka’ Jubata.

Nyanyian

P. Inje’lah diri’ ampea’tn nangara’tn sabda Jubata babaro tentang kahidupa’tn kakal.
Bacaan dari Injil suci karangan Yohanes, 14, 1-6
“ Pucaya’lah uga’ ka’Aku. Ka’ rumah Apa’ku manyak tampat badia’pm. Jika nana’
damikian, tantu Aku bapadah ka’ kao, sabab aku ampus ka’ koauntuk nyadiakan
tampat untuknyu. Aku akan atakng agi’ man ngincakng kao ka’ tampat-Ku, suapaya
ka’ tampat dimae Aku barada, kaopun barada. Man ka’ mae Aku ampus., kao nu’an
maraga dikoa.
Sahut Tomas ka’ Ia:
Jubata kami nana’ nu’an ka’ mae Kita’ ampus: jadi lempahe kami nu’an maraga
dikoa?
Sahut Jubata:
Akulah maraga man kabanaran man idup. Nana’ ada seko’ urakng pun nang atakng
ka’ Apa’, kalo’ nana’ malali’ Aku.” Damikianlah sabda Jubata.
U. Tarpujilah Jubata.

10
 Saat hening

P. Inje’lah bado’a:
Jubata sumber paridupa’tn, iman diri’ udah Kita’neguhkan man kabangkitan Putera-
Nyu dari alam maut. Taguhkanlah uga’ harapan kami dala’pm manantikan
kabangkitan sodara (anak) kami.
Demi Jubata pangantara’tn kami.
U. AMIN

c) DOA UMAT

P. Inje’lah diri’ bado’a ka’ Apa’ nang barbalaskasihan untuk sodara (anak) kami nang
takasih nian nang udah maninggal dunia.

P. Samoga Kita’ dengan murah ati mangasihani’ sodara (anak) kami nang udah
mulakng mka’ Kita’. Kami mohon……

U. Kabula’tn lah do’a kami oh Jubata.

P. Samoga ia di parkanankan masok ka’ dalapm rumah Allah Apa’nya. Kami

mohon……

P. Samoga ia uda di nyaru’, sasudah kahidupannya ka’ dunia nia, ditarima’ Jubata ka’
dala’pm kadamaian man kabahagiaan ka’ saruga. Kami mohon……

P. Samoga ka’ akhirat ia Kita’ bare’ tampat nang tantram man tarakng basamaan man
urakng-urakng kudus-Nyu. Kami mohon……

P. samoga kami nang basadih ati atas kamatia’tnnya Kita’ ngibur man harapan akan
parsatuan kalak ka’ saruga. Kami mohon……

11
P. Allah nang kakal, samoga dala’pm karahiman-Nyu baristirahatlah sodara tarkasih
nian. Kabula’anlah dengan rela do’a-do’a kam. Dami Jubata pangantara kami.

U. AMIN

Nyanyian

d) PENUTUP

P. Allah nang mahakuasa man kakal, samoga do’a-do’a nang kami sampe’atn ka’ Kita
ka’ ai (malam) nian, Kita’ tarima’ dengan rela. Samoga samoga kami nang masih
baziarah manuju rumah-Nyu salalu mangindaha’tn tujuan parjalanan idup kami. Ka’
rumah-nyu kami akan barsatu mulakng man sodara (anak) tarcinta koa, oh Jubata,
kami ngaraha’tn mharapan kami akan partamuan mulakng kalak. Demi Jubata
pangantara kami.

U. AMIN

P. Sodara sakalia’tn dalapm Jubata, dengan nian upacara sambayang diri’ udah salesai.
Samoga rahmat Jubata diri’ Yesus Kristus tatap manyartai’ diri’ sakalian. Atas nama
Apa’ man Putera man Roh Kudus.

U. AMIN

P. Inje’lah diri’ pulakng dala’pm damai Jubata.

U. Syukur ka’ Allah.

Nyanyians

12
 KUMPULAN DOA POKOK DAN BERKAT DALAM
BAHASA DAYAK KANAYATN

SEMOGA RAHMAT TUHAN YESUS KRISTUS SELALU

BESERTA KITA

13
 DAFTAR ISI

1. Doa Pokok 1

DOA/BERKAT SEBELUM BERLADANG

2. Pemberkatan Alat Pertanian 2

3. Doa Waktu Membakar Ladang 3

4. Pemberkatan Tanah 4

DOA/BERKAT UNTUK ORANG SAKIT DAN MENINGGAL

5. Pemberkatan Orang Dewasa Yang Sakit 5

6. Doa Penyerahan Jiwa (Doa Menjelang Kematian) 6

7. Doa Berkat Jenazah (Doa Sesudah Kematian) 7

8. Sembahyang Untuk Orang Mati 9

14