Linguistik kontekstual iya nya chabang linguistik interaksyen enggau atur akademik bukai.

Kontekstual mai reti bisi kaul tauka besangkut paut sereta ngundan reti sereta guna.
Linguistik entara disiplin mansik chara jaku ulih beinteraksyen enggau dunya. Linguistik
kontekstual ulih dibiahka ngagai sosiolinguistik enggau antropologikal linguistik.

Sosiolinguistik nya siti pugu chabang dalam disiplin linguistik. Sosiolinguistik meri
perati ngagai dua elemen iya nya jaku enggau raban bansa. Sosiolinguistik nunjukka
sangkut paut ti ludas nyadi antara struktur jaku enggau struktur sosial sekalika struktur jaku
nya meri empas ngagai struktur sosial tauka enda.

Antropologikal linguistik nya siti chabang linguistik ti betatika kaul entara jaku enggau
daya idup kelebih agi dikena meretika chara jaku nya dikena besehari-sehari nyadika
kereban komunkasyen raban bansa. Chabang tu mega beratika struktur enggau kaul diri
sebilik nengah status sosial baka pengawa beraja, konsep chura tauka nguna chara orang ti
ngelingi pendiau bekomunikasyen dalam pengawa ti bekaul enggau adat lalu ngaitka pekara
nya enggau daya idup.