Ensera Burung Bubut Enggau Burung

Ruai
Dulu kelia, ba menua Hujan Panas mayuh bendar bansa burung ti
nguan menua nya. Antara dua iku bansa burung ba menua nya iya
nya burung bubut enggau burung ruai. Bulu burung ruai enggau
burung bubut sama burak. Hari siti, lebuh seduai iya terebai ngiga
pemakai, dia seduai tepedaka siti pekit chura bulu ti pemadu
manah. Seduai iya pan baum deka beduruk ngechat bulu pangan
diri.

“Nuan dulu ngechat bulu aku. Udahnya aku ngechat bulu nuan,”
ku ruai madahka bubut. Bubut pan setuju ninga utai padah ruai
nya. Iya pan lalu ngechat bulu burung ruai ngena mayuh macham
chura enggau naka pemanah.
 Ensera Burung Bubut Enggau Burung
Udahnya, gintir burung Ruai
ruai ga ngechat bulu burung
bubut. Lebuh maya deka ngechat bulu burung bubut, dia
burung ruai pan jai runding. Ketegal ti deka menang pekit
nya , dia burung ruai lalu mubuhka cat chelum ba bulu
burung bubut. Iya pan madahka diri udah tembu ngechat
bulu burung bubut. Bubut ke sungai ninjau diri lalu meda
bulu iya nyau chelum semua nadai chura bukai.

Bubut ringat bendar ngagai Ruai laban enda ngechat

bulu iya enggau manah. Seduai iya pan belaya ngujungka
nyau enda begulai agi. Nya alai nyentukka saritu orang
selalu nyebut “baka duruk bubut enggau ruai”.