Inggih ida dane sane kusumayang titiang,

para panureksa sane dahat suksmayang titang

miwah para atiti pamilet pacentokan mapidarta sane tresna sihin titiang.
Sadurung titiang matur amatra pinih riin ledangang titiang ngaturang pangastuti majeng
ring Ida Sang Hyang Widhi Wasa santukan antuk wara nugrahan Ida iraga prasida masadu ajeg
iriki ring galahe sane becik sakadi asapuniki.
Ida dane sinamian, sadurung titiang nglanturang baos, lugrayang titiang ngaturang
pangastungkara antuk nguncarang panganjali umat,” Om Swastiastu”.
Ida dane, ri kalane puniki, titiang pacang ngaturang pidarta indik “Ngelaksanayang Tri
Kaya Parisudha”
Ida dane sane wangiang titiang,
Tri Kaya Parisudha inggih punika ajahan sane mamuat Dharma saking Agama Hindu. Tri
Kaya Parisudha ngawit saking semboyan dharma sane mamunyi : “ paropakaran punya ya,
papaya, para piadanam “ tegesipun Tri Kaya Parisudha kawangun antuk tiga kruna, kapertama
Tri tegesnyane tiga, Kaya tegesipun parisolah utawi perbuatan lan Parisudha sane mateges becik.
Tri Kaya Parisudha tegesipun tigang parisolah utawi tikas sane patut, becik tur mabuat.
Ring kalpa puniki meweh pisan iraga nemu manusa sane berbudi pekerti luhur,
mawinan irika iraga sareng sami patut muponin pengajah-ajahan sane becik tur mabuat ring
semeton irage sareng sami. Uning iraga yening Tri Kaya Parisudha inggih punika tiga parisolah
sane becik, ring pengajahan dharma puniki wantah mrasidayang anggen kepatutan iraga sareng
sami rikala melajahin napi kasujatian dharma mangda polih tetujon Agama Hindu inggih punika
“ Moksartham Jagadhita Ya Caiti Dharma “.
Ida dane sane wangiang titiang
Tri Kaya Parisudha, wenten tiga pepalihannyane inggih punika: Pertama, Kayika
Parisudha, tegesipun parisolah utawi laksana sane becik. Conto nyane inggih punika nenten
nyakitin utawi ngemademang makhluk lianan. Wacika Parisudha, tegesipun sane becik.
Umpami, satya ring wacana utawi raos, nenten dados mogbog napi malih nguluk uluk. Manacika
Parisudha, tegesipun pikiran sane becik. Conto nenten ingkar ring Karma Phala.
Yening iraga sareng sami makarya perbuatan sane jahat wantah hasil sane katerima sami
buruk, sebaliknya yening iraga makarya perbuatan sane bacik wantah hasilnyane sami becik
sakadi semboyan sane mamunyi:
Ala ulah ala tinemu : parilaksana kaon nemuang sekaya kaon
Ayu pikardi ayu pinanggih : parilaksana becik nemuang sekaya becik.
Ainggih kadi asapunika pidarta sane prasida aturin titiang ring galahe sane becik puniki.
Titiang nunas pengampura lan nenten lali titiang ngaturang suksmaning ring manah. Pinaka
pamuput atur, pinih untat sineb titiang antuk Parama Shanti,

OM Shanti Shanti Shanti OM