PUISI BINTANG PELAJAR B.

MADURA
Oleh : Khairul Umam

Assalamualaikum DARUL ISHLAH

Emalem ka’dinto
Akanta bintang seetabur edu’ur
Aberengngi malem se petteng
Dika ngombar kalaban sonar se edardar

Malem se cellep
Asalemot ebbun
Magumegil tolang ban somsom
Ta’ maodar toju’ se jimet
Teptep parjuga e ris-baris korse se kerrep

Akantha kembhang mekkar, nabur tor adhu'um karo'oman

sakalengleng eseddhi'na
ka'dinto kamuljaan se tade' pada
abadhi amis daddi ro'om, nyaressep ka ate, kembhang asre tor ngabakte
ebulan kaaghungan
kembhang ka'dinto kasohor ngabakta aba'na daddi bintang se asonar terang
bhadi toron nyambhut kabhungaan tor kajhembharan

Se naleka bulan asonar terang

se naleka angin akalesser, mangremmangan nyalemuti abe'
se pada jumenneng ngantos kabhungaan se tada' pada
e malem ka'dinto badhi ongghe settong bintang se asonar terang
tengkana nyaressep ka dalam dada kaoker dalam pekker
tacangkeng dalam pamator, taracek dalem tareka tataneng dalem tengka
bintang se babbar etempat nyior-nyior alambai ka bhungaan

Duh, ate bula bunga ta’ sakera

Ngonca’ syukkur dha’ se kobasa
Amarga jalan- jalan se pada petteng
Ta’ pole lenteng

Ou...
Dika se badi kalowar kalaban mowa se jembar
Majegjeg jalan se lanjang tor lebar
Akanta mabar se etabur
Ro’omma masok ka badan se kendur
Mapacre ate se ta’perna paste

Omba’ ta’ akalemba’

Angin malem ngalesser saperte nengngenneng
Coma karna terro ngabasa sapa dika se ontong

Mowana se asonar ta’ perna ponar

Agandhu’ pangarep se ta’ perna cellep
Agiba dhadhana dika mekkar
Ngaloskos ondhem petteng se ngekker
Ate bula ta’ sabbar
Akanta badan se taobbar
Ce’ terrona senyapa’a
Ce’ terona se asalamana
Dhuh, sapa dika andhi’ ana’
Mata’ duli kalowar?

Ana’ ka’ dinto babbar/ laher e SUMENEP paste epon teppa’ dha’ tanggal 15
NOVEMBER 2009 M (dipakai setiap bagian dg tmpat yang disesuaikan)

Lancarra acaca, tera’na pekkerra, lebarra atena aknta songai se benning aengnga.
Sabban oreng pada ngarep, sabban oreng padha terro se mandiya, sabban oreng padha
terro se ngaandhi’a.
Dhuh, sapa se ta’ bunga bila ebu’ se aasma HOSKIYAH sareng raka se aasma
BAPAK HAKIM ngagunge potra/e se anyama SHOFIYATUL MAULIDAH se
malem ka’ dhinto badhi ongga dha’ ka panggung, asandhang bintang pelajar,
maganep cita- citana se ta’ perna ponar.

Ate kaula bunga

Ate kaula sokla
Ngabas na’ kana’ sepadha parjuga
Eada’anna mata

Dhuh, guste ajunan se ampon adaddiyagi budi pakerte

Ajunan se ampon ajaga gulina ate
Ajunan se ngaratone tor ngaraksane alam dunnya kabbi

Moga- moga ajunan

Aparenga pamaste tor ate se berse
Dha’ na’ kana’ seasonar akanta are
Emlem ka’ dhinto se pacre tor socce

KOLPO, 16 MEI 2021 M