Sembrama wecana inggih punika bebaosan mabasa Bali, pinaka panyanggra sapangrauh kramane sane

kaundang ngrauhin pailen upacara. Malarapan tatacara ngwedar, sembrama wacana kabinayang dados
tetiga :
(1) sembrama wecana tutur (lisan) mateges nyembrama tamiu antuk bebaosan lisan, nenten ngwacen
naskah. Upami : - nyanggra tamiu undangan resepsi
- mapaica piteket ring sang mawiwaha
(2) sembrama wecana sasuratan (membaca teks) mateges ngwedar daging pikayunan pinaka
panyanggra tamiu malarapan ngwacen naskah.
Upami :- baos Bupati duk acara ngenteg linggih ring pura puseh
- baos Kadis Dikbud ring pamungkahan sarasehan mabasa bali
(3) sembrama wecana ardatur ( memakai skema ) mateges ngwedar baos panyanggra malarapan
ngwacen bantang-bantang bebaosan pinaka skema
Upami :- baos kelian truna nuntun parum indik bazzar
- baos jero bendesa ring paruman desa adat

Struktur :

1. Pamahbah/Purwaka:- pangastawa/pangastuti (ketah nganggen panganjali umat )

- matur pangayubagia,panyuksma,swasti prapta ring sang sane rauh
- nyinahang angga sang mabaos ( perkenalan diri)

2. Daging Sembrama Wecana:

Upami : indik resepsi pawiwahan,wantiwarsa,ngenteg linggih msl

3. Pamuput Sembrama Wecana :

- nyutetang daging baos
- nunas agung pangampura
- salam pamuput ( parama santih ).

b. panureksan lomba sembrama wecana

sajeroning ngamiletin lomba sembrama wecana, wenten lelima kriteria sane sering kaicenin nilai
panureksan olih angga juri, sekadi ring sor punika.

1. Pengelolaan tema
Murdan pidarta miwah daging pidarta mangda manut ring tema sane kaicen antuk lembaga
sane ngwentenang lomba (mangda nenten dis.)
2. Bahasa
Sane katureksa maiketan ring bahasa minakadi suara (vocal), ucapan sane manut (pelafalan),
wirama (lagu ucapan), kosabasa (pilihan kata-kata), miwah anggah-ungguhin basa bali.
3. Penguasaan materi
Duaning sang mapidarta acing nenten nganggen teks, yening wenten nenten lancer utawi
nenten tuntas, janten pacang nirangin nilai.
4. Amanat
Amanat sane katureksa marupa piteket-piteket miwah tuntunan manut tema utawi topic sane
kabaosang
5. Penampilan
 Sane katureksa ring penampilan inggih punika busana adat bali, wirasa (penghayatan),
semita/raras (ekspresi), miwah wiraga (bahasa tubuh)

c. luir bebaosan

tiosan ring sembrama wecana, taler wenten makudang-kudang bebaosan bali sane masaih ring
sembrama wecana, minakadi:

1. Pidarta (pidato), bebaosan ngwedaran daging pikayunan ring sang sareng akeh mangda sida
karesepang raris kalaksanayang
2. Dharma wecana (upanisad), bebaosan sane madaging indik ajahan agama manut tatwa agama
sane pastika.
3. Atur piuning (laporan panitia), bebaosan manggala karya ngningayang saluir pidabdab ring acara
sane kalaksanayang
4. Dharma suaka, bebaosan madaging pasuakan, pangapti, miwah pinusan makadi nunas
dukungan suara ring pemilu/pilkada
5. Dharma tula (diskusi), bebaos mligbagang indik ajahan agama sajeroning acara sarasehan sane
mabasa bali
6. Widia tula (diskusi), bebaosan mabasa bali, sane mligbagangpangweruhan (sajabaning ajahan
agama)
7. Saur-pitaken, bebaosan Tanya jawabring paruman
8. Dhrama santih, maosang kasuksman nyanggra rahina nyepi

d. wastan sang mabaos

Sang mabaos inggih punika anake sane ketah mabaosan ring sang sareng akeh. Maiketan riang sang
mabaosan, wenten:

1. Narawakia (narasumber), anake sane ngwehin ajah-ajah ring patemon resmi, minakadi ring
teleevisi, radio, miwah ring penataran mabasa Bali.
2. Pamaos (penyaji/pemakalah/pemrasaran), anake ngwedar materi kriapatra (makalah) ring
patemon resmi minakadi seminar mabasa Bali.
3. Juru Raos (juru bicara), anake sane ketah ngwakilin kulawarga nyembrama tamiu utawi maosang
indik pula-pali pawiwahan.
4. Ugrawakia ( MC utawi pembawa acara), anake sane kajudi ngenterang acara resmi sane mabasa
Bali, mawinan kabaos panganter acara.
5. Pamidarta (orator), anake sane mapidarta basa Bali uawi pamilet malomba pidarta basa Bali.
6. Padarma Wecana, (upanisator), anake sane medarma wecana, utawi pamilet malomba wecana
basa Bali.