Kotbah Partangiangan May Manalu

2 Korintus 13 : 5 – 13

Amang inang angka dongan nahinaholongan dibagasan Kristus Jesus!

Tontu sude do ra hita satolop, ianggo na mangulo on ingkon adong do keseimbangan ate.

Molo adong naso margogo adong ma nian na margogo. Molo adong na hurang pistar adong ma nian na
pistar. Molo adong murid adong ma nian guru. Molo adong na pogos adong ma nian na mora ate.
Tujuan na asa saling melengkapi, asa boi marsiurupan manang marsiajar-ajaran. Jala asa tubu ma
nidokna tujuan hidup.

Boi do tahe tabayanghon hira-hira ahama na terjadi molo so adong do keseimbangan. Mungkin gabe
terjadi ma keributan jala perpecahan ate. Ndang adong be sada ni roha, ndang adong las ni roha, ndang
adong sada ni pingkiran. Ai sude marlomba-lomba gabe guru ma rupani, ndang adong na olo gabe
murid. Marlomba-lomba menonjolkan diri ma, sombong dohot angka na asing.

Amang inang, angka dongan.

Laos situasi si songoni ma na ta dapot di Kota Korint sian konteks ni turpukta on. Ndang adong
keseimbangan di Huria na di Korint. Tarbarita do Korint on songon sada kota naso adong sada ni roha.

Taida majo aha do na mambaen Huria Korint on gabe ndang seimbang.

Huria Korint on tarbarita do songon huria na egois, na marlomba-lomba pataridahon semangat jala
gairah rohani na mansai luar biasa di ngolu na alai gabe tu hal na negatif. Lumobi di angka karunia-
karunia rohani, masing-masing menonjolkan dirinya, au do na paling, au do na lebih mantap, au do la
boi, na asing i ndang boi ninna. Ima prinsip di nasida. Alani i, parngoluon siap ari ni nasida pe ndang
pataridahon na halak Kristen nasida. Moral ni nasida pe ndang tung patuduhon na mangolu dibagasan
Kristus. Kehidupan moral mereka sangat menduniawi. Jala nasida pe welcome manang terbuka tu angka
pengajar-pengajar palsu manang panurirang pargapgap na gabe manggugai haporseaon ni nasida asa
unang hot marhaporseaon tu Debata.

Siala ni i ma umbahen na didok si Paulus tu nasida di ayat 5 i, “Unjuni hamu ma diri muna” (ujilah dirimu
sendiri) ninna.

Lapatan disi na naeng dohonon ni si Paulus asa adong do di huria i kesadara. Unang holan mangantusi
sambing nasida ajaran-ajaran ni hakristenon i, alai naeng ma nian haporseaon ni nasida i gabe
haporseaon na mangolu di bagasan Kristus. Ala ni i, disosohon si Paulus asa di pastihon nasida muse, na
tutu do tahe mangolu dibagasan Kristus i hamu? Ninna.
Uji hamu majo dirimu muna, unjuni hamu majo. Unang pintor menganggap sintong hamu, unang pintor
patimbo-timbohon diri, unang pintor sombong, unang merasa naung gogo sian angka na asing. Ninna si
Paulus.

Ai sasintongna boi talu do anggo halak na gogo mangadopi angka hamaolon ni ngolu on molo holan
mangasahon diri na sambing. Alai boi monang do anggo halak na hurang gogo mangadopi hamaolan ni
ngolu on molo Debata do di pangasahon. Ala ni i, unjuni hamu ma diri muna, ninna si Paulus.

Amang inang, angka dongan.

Molo didok taringot tu pengujian diri, berhubungan mai tu kualitas ate. Jala sadalan mai tu perbaikan
manang peningkatan kualitas. Somalna, molo didok menguji berarti naung adong hian do manang naung
diantusi hian do, ido umbahen na di uji ate. Dung di uji rupani pintor dapot ma hasilna jala adong ma disi
evaluasi, tu penurunan do boanon na manang tu peningkatan atau upgrade diri.

Uji ma, molo na dianggap hamu do dirimu halak na sintong, na pistar, jala na gogo di bagasan
haporseaon, patuduhon ma i jala buktihon ma. Alai molo na dianggap hamu do songon halak na gale
haporseaon muna, porlu ma tingkathonon muna haporseaon muna i asa lam margogo jala togu
haporseaon mu. Ninna si Paulus tu huria Korint i.

Jala adong pe tujuan ni si Paulus mandok i, asa lam margogo, lam hot, jala lam tangkas do huria Korint i
mananda diri na songon halak naung porsea tu Jesus Kristus. Ido umbahen na didok di ayat 5 i “Naso di
tanda hamu do diri muna paboa naung Jesus Kristus di bagasan hamu?”

Ia tahe gabe so adong do dame dohot holong nasian Debata di huria Korint i siala na sibuk pabalga
balgahon ego na nasida. Gabe ndang adong las ni roha dohot sada di roha.

Amang inang, angka dongan nahinaholongan dibagasan Kristus Jesus.

Marhite turpuk on pe disosohon do nang tu hita asa nasa na porsea mansai ringkot do tahe manguji
dirina. Boha do hita tutu saleleng on sintong do angka naung ta ulahoan manang na songondia?

Kita renungankan sejenak!

Molo dung dapot hita alusna, boi ma tabaen muse evaluasi, tu peningkatan do manang tu penurunan.
Molo ndang sintong dope rupani angka ulaonta berarti porlu tingkathonon ta. Molo na sombong do tahe
sifat ta saleleng on, ndang olo mangurupi donganta jolma, merasa paling benar torus, holan na
mambaen hassit roha ni halak. Berarti perlu ada perubahan manang perbaikan diri dan peningkatan
kualitas diri.

Manang molo saleleng on menganggap diri kecil, tidak berguna, tidak ada apa-apa nya, tidak tahu apa-
apa dan selalu tidak percaya diri dengan yang dia miliki, dan merasa tidak mampu melakukan apa-apa.
Molo hata lain, rendah diri ninna. Itu artinya kita perlu upgrade diri. Nasintong rendah hati do bukan
rendah diri.

Dungi annon tercipta ma dihita keseimbangan pola pikir dan iman. Molo dung adong keseimbangan pola
pikir dan iman, adong ma nang las ni roha. Ndang borat sabola be, ndang sarat-sarat be, jala ndang
miring-miring be. Ndang holan mamingkiri diri sambing be, alai main ma nang iman ima na paboahon
porlu do sarihonon dongan, ai Debata pe di sarihon do hita. Jala angka silas ni roha nama na ro disi,
marsiurupan, marsitoguan, marsipasingotan, marsihaholongan dibagasan dame na sian Tuhan i nama
tahe.

Molo dung tercipta angka roha marsihaholongan di angka halak na porsea, sahat ma tu pandohan ni
Hata ni Debata di ayat 13 i “Sai didongani asi ni roha ni Tuhan Jesus Kristus dohot holong ni roha ni
Debata dohot parsaoran ni Tondi Parbadia ma hamu saluhutna!”

Molo hu sungkun hita saluhutna, olo do hita di posisi ayat 13 i? Pasti alusna olo ate.

Amang inang, angka dongan.

Tontu jonok do angka pasu-pasu, pandonganion dohot holong ni roha ni Debata tu angka halak na
marsihaholongan, na marsiurupan jala marsitoguan. Alai molo sai holan na pabada-badahon do karejo
na, malas marminggu, malas mandohoti ulaon na pinatupa ni Huria, merasa diri paling benar,
menganggap tahu segalanya jala dao sian Tuhan i, boha ma carana naeng donganan Ni Debata ibana?

Ai jonok pe ndang, boha ma caraNa mandongani ate. Tontu jolo jumolo do jonok baru pe di dongani.

Ala ni i amang inang, angka dongan nahinaholongan dibagasan Kristus Jesus!

Asa mangolu di bagasan dame, lomo, jala holong ni roha ni Debata hita, asa di dongani jala di ramoti
Debata hita, naporjolo ingkon dao ma hita sian prinsip monang sandiri manang sifat egois. Padao ma
sifat sai naeng pabanggahon diri, sai holan mamingkiri diri sambing, alai na asing ndang di pingkiri. Di
padao ma sifat si songoni. Jala loas ma Debata na mangarajai pingkiran nang rohatta, na mangalehon
lombok ni roha, serep ni roha, jala dame na sian Jesus Kristus. Dipasu-pasu jala di dongani Debata ma
hita laho mangulahon lomo Ni RohaNai. Amen.